Dövlət Gömrük Komitəsinin (DGK) sədri Səfər Mehdiyevin müvafiq əmri ilə bir sıra gömrük əməkdaşlarının xidməti yerləri dəyişdirilib.
Eləcə də bax: Dövlət Gömrük Komitəsində yeni – TƏYİNATLAR
FED.az biznes və maliyyə xəbərləri portalı Report-a istinadən xəbər verir ki, bu barədə Komitənin açıqlamasında bildirilir.
Qurum bəyan edib ki, ötən gün bəzi kütləvi informasiya vasitələrində və sosial şəbəkələrdə DGK-da kütləvi kadr dəyişikliyinin həyata keçirilməsi ilə bağlı məlumatlar, eyni zamanda müxtəlif “mülahizələr” yer alıb. Xidmət yerlərinin dəyişdirilməsi “Gömrük orqanları əməkdaşlarının rotasiyası Qaydaları”na uyğun olaraq aparılan kadr islahatları çərçivəsində həyata keçirilib. Bu DGK daxilində gömrük işinin keyfiyyətinin və səmərəliliyinin artırılması məqsədilə davamlı və mütəmadi olaraq həyata keçirilən adi prosedur qaydadır.
