Dünya İqtisadi Forumunun (WEF) Qlobal Rəqabətlilik Hesabatına görə, dünyanın iqtisadi və texnoloji olaraq ən rəqabətə davamlı iqtisadiyyatı ABŞ olaraq müəyyənləşdirilib.
Hesabata görə, bu il qlobal rəqabət indeksinin ilk 4 sırasında yer alan ölkələr dəyişməyib. Dünyanın iqtisadi və texnoloji olaraq ən rəqabətə davamlı iqtisadiyyatı 85,6 bəndlə ABŞ olub. Qlobal rəqabətlilik reytinqində Sinqapur 83,5 bənd ilə ikinci, Almaniya 82,8 bənd ilə üçüncü və İsveçrə 82,6 bənd ilə dördüncüdür.
Yaponiya qlobal rəqabətlilik reytinqində bu il 3 pillə yüksələrək 82,5 bəndlə 5-inci yerə yüksəlib, Hollandiya isə 82,4 bəndlə 6-cı yerə geriləyib.
Honq Konq 82,3 bəndlə bu il 7-nci sıradakı yerini qoruyub. İngiltərə isə iki pillə geriləyərək 82 bəndlə 8-inci yeri tutub.
Qlobal rəqabətlilik reytinqində bu il İsveç 81,7 bəndlə 9-uncu sıradakı yerini qoruyub, Danimarka bir pillə yüksələrək 80,6 bəndlə 10-uncu olub.
Danimarkanın ardınca, Finlandiya, Kanada, Tayvan, Avstraliya, Cənubi Koreya, Norveç, Fransa, Yeni Zelandiya, Lüksemburq və İsrail yer tutur.
Azərbaycan isə bu il 4 pillə geriləyərək 60.0 bəndlə 69-cu yeri tutub.
