Ərzaq qiymətinin FAO (BMT-nin Ərzaq və Kənd Təsərrüfatı Təşkilatı) indeksi mart ayındakı kəskin artımdan sonra aprel ayında 0,8 % azalıb.

FED.az xəbər verir ki, bununla yanaşı cari ilin aprel ayında indeks ötən ilin müvafiq dövrünə nisbətən 29,8 % çox olub.

Eləcə də bax: Ərzaq qıtlığı ilə məlumatların heç bir əsası yoxdur - NAZİRLİKDƏN AÇIQLAMA

"Ötən ayda qiymətlərin azalması əsasən bitki yağlarının kəskin, qismən də taxıl məhsullarının cüzi ucuzlaşması ilə bağlıdır. Bununla belə şəkər, ət, ağartı məhsullarının qiymətləri tədricən artmağa davam edir”, – deyə açıqlamada göstərilir.

Belə ki, 2022-ci ilin aprel ayında taxıl məhsulları 0,4 %, o cümlədən yem taxılı 1,8 %, qarğıdalı 3 %, ucuzlaşdığı halda arpa təklifi azalması üzündən 2,5 %, buğda 0,2 % bahalaşıb. Həmçinin düyü qiymətləri 2,3 % artıb. Bundan əlavə bitki yağları 5,7 % azalıb. Səkkiz aydır bahalaşan süd məhsullarının qiyməti bu dəfə 0,9 %, ətin 2,2 %, şəkərin də 3,3 % artıb. (Report)