İqtisadiyyat

Büdcə xərclərinə qənaət, qiymətlərə nəzarət – HÖKUMƏTDƏN AÇIQLAMA

Büdcə xərclərinə qənaət, qiymətlərə nəzarət – HÖKUMƏTDƏN AÇIQLAMA | FED.az
18:08 10 Mart 2020

Azərbaycan hökuməti dünya iqtisadiyyatında gedən proseslərin ölkəyə mənfi təsirlərini azaltmaq üçün qabaqlayıcı tədbirlər planlarına malikdir. FED.az xəbər verir ki, bu barədə Nazirlər Kabinetində keçirilən toplantıda bildirilib.

Təcili: Hökumət manatı qoruyacaq – RƏSMİ AÇIQLAMA

İclasda qeyd edilib ki, neftin qiymətinin kəskin ucuzlaşmasının tədiyə balansına təsirlərinin proqnoz ssenariləri hazırlanıb: «Bu ssenarilərə uyğun olaraq, zərurət yarandığı hallarda müvafiq sabitləşdirici tədbirlər paketi həyata keçiriləcək».

Hökumətdən manatın məzənnəsi barədə - AÇIQLAMA

Məlumatda bildirilib ki, bu gün ölkə iqtisadiyyatı 2014-cü ildən başlanan qlobal maliyyə-iqtisadi böhranı dövründən daha dayanıqlıdır: «Əvvəlki illərdə olduğu kimi, 2020-ci ildə də müsbət inkişaf dinamikası davam edir. Belə ki, yanvar-fevral aylarında qeyri-neft ÜDM-i 6,7%, ÜDM isə 2,8% artıb. Neft bazarında və qlobal iqtisadiyyatda baş verən hadisələrə qarşı ölkə iqtisadiyyatının kifayət qədər yüksək maliyyə immuniteti və təhlükəsizlik “yastığı” mövcuddur».

Nazirlər Kabinetində - "Neft və Dollar" Müşavirəsi

Həm monetar, həm də iqtisadi siyasətin digər istiqamətləri üzrə nəzərdə tutulan tədbirlər inflyasiyanın hədəflənən səviyyədə saxlanılmasını təmin edəcək. Eyni zamanda, dövlət büdcəsinin maliyyə dayanıqlığının daha da gücləndirilməsi üçün əlavə tədbirlər görüləcək, xərclərin optimallaşdırılması və səmərəli istifadəsi üzərində ciddi nəzarət davam etdiriləcək.

«Bununla yanaşı, istehlak bazarına ciddi nəzarət edilir və vəziyyətdən sui-istifadə etməklə baş verə biləcək süni qiymət artımına və əsassız qıtlığa qarşı sərt tədbirlər görüləcək».

Digər xəbərlər

Banner