Son bir neçə gündə bazarlarda pomidorun qiymətində ciddi enmə müşahidə edilir.
FED.az xəbər verir ki, təxminən 10 gün əvvəl kiloqramı 2-3 manata satılan pomidorun qiyməti indi 1 manatdan da aşağıdır.
Satıcılar qiymətin enməsini bolluqla və pomidorun Rusiya bazarlarına çıxarılmaması ilə əlaqələndirirlər. Bu barədə Xəzər Tv məlumat yayıb.
Qiymətlərin enməsi bazarlarla yanaşı, mağazalarda da özünü göstərir. Satıcıların sözlərinə görə, bundan sonra qiymətlərin daha da düşməsi gözlənilmir.
