Bu ilin yanvar-noyabr ayları ərzində “AzerGold” QSC-nin ixracı 79 mln ABŞ dolları təşkil edib.
FED.az xəbər verir ki, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın 2019-ci ilin dekabr sayında bildirilir.
Eləcə də bax: Azərbaycanda yeni böyük - QIZIL YATAĞI TAPILIB
Məlumata görə, bu, ötən ilin eyni dövrü ilə müqayisədə 52,5 mln dollar və ya təxminən 3 dəfə çoxdur.
Qeyd edək ki, “AzerGold” QSC İlham Əliyevin 11 fevral 2015-ci il tarixli 1047 nömrəli Sərəncamına əsasən təsis edilib. “AzerGold” QSC ölkə ərazisində qiymətli və əlvan metal filizi yataqlarının öyrənilməsi, tədqiqi, kəşfiyyatı, idarə olunması, qiymətli və nəcib metalların hasilatı, emalı və satışı, bu sahədə yeni texnologiyaların tətbiqi, maddi-texniki bazanın müasirləşdirilməsi və ondan səmərəli istifadə, habelə bu sahənin inkişafı ilə bağlı digər işləri yerinə yetirir.
