İqtisadiyyat

Azərbaycanın İranda ticarət dövriyyəsi – 3 QAT AZALIB

Azərbaycanın İranda ticarət dövriyyəsi – 3 QAT AZALIB | FED.az
14:03 18 Mart 2020

2020-ci ilin yanvar-fevral aylarında Azərbaycnla İran arasında ticarət dövriyyəsi kəskin azalıb.

Eləcə də bax: Azərbaycanın İranla sərhədinin bağlanması - MÜDDƏTİ UZADILDI

FED.az Dövlət Gömrük Komitəsinə istinadən xəbər verir ki, ilin ilk iki ayında iki ölkə arasında ticarət dövriyyəsində ötən illi müqayisədə 3,2 dəfə azalma baş verib.

Eləcə də bax: İrandan Azərbaycana nə gətirilir - HANSI MALLAR BAHALAŞA BİLƏR? - SİYAHI

Belə ki, 2020-ci ilin yanvar-fevralında Azərbaycanla İran arasında ticarət dövriyyəsi 60 milyon 201 min dollar olub.

2019-cu ilin eyni dövründə isə dövriyyə 191 milyon 295 min dollar idi.

Dövriyyənin belə kəskin azalması əsasən İrandan Azərbaycana ixracın azalması ilə bağlıdır. Belə ki, 2020-ci ilin ilk 2 ayında qonşu ölkədən Azərbaycana cəmi 51 milyon 775 min dollarlıq ixrac olub. Ötən il isə qonşu ölkənin ixracı 181 milyon 320 min dollar idi - 3,5 dəfə azalma.

2020-ci ildə Azərbaycandan İrana ixrac da azalıb. İlk 2 ayda bu göstərici 8 milyon 426 min dollar idi. Ötən ilin eyni dövründə isə Azərbaycandan ixrac 9 milyon 975 min dollar olmuşdu – 15,5% azalma.

Qeyd edək ki, ticarət dövriyyəsinin azalmasının səbəbi koronavirus səbəbindən İranla sərhədlərdə tətbiq edilən məhdudiyyətdir. 

Digər xəbərlər

Banner