Azərbaycan müəssisə və təşkilatlarının aktivlərinin 2023-cü ilin sonu ilə 2024-cü ilin sonu arasındakı illik müqayisəsi iqtisadiyyatın müxtəlif sektorlarında maraqlı dəyişiklikləri üzə çıxarıb.
FED.az Dövlət Statistika Komitəsinə istinadən xəbər verir ki, ümumilikdə, aktivlərin dəyəri 3 milyard 287 milyon 282,14 min manatdan 3 milyard 400 milyon 389,25 min manata yüksələrək 113 milyon 107,11 min manat (3,4%) artım nümayiş etdirib.
Dövlət Statistika Komitəsinin məlumatlarına əsasən, aktivlərin dəyərində ən yüksək faiz artımı Təhsil sektorunda qeydə alınıb. Təhsil müəssisələrinin aktivləri 399 milyon 12,2 min manatdan 417 milyon 70,2 min manata yüksələrək 17 milyon 958 min manat və ya 4,5% artım göstərib.
Xidmət sektorları arasında Əhaliyə sağlamlıq və sosial idmətlərin göstərilməsi aktivlərini əhəmiyyətli dərəcədə artırıb. Bu sahədə aktivlər 767 milyon 667,3 min manatdan 1 milyard 161 milyon 524,3 min manata çatıb. İl ərzində 393 milyon 857 min manatlıq böyük bir artım (51,3%) qeydə alınıb.
Digər sahələrdə xidmətlərin göstərilməsi də 598 milyon 50,1 min manatdan 951 milyon 16,3 min manata yüksəlib.
Bu sektor 353 milyon 666,2 min manat (59,1%) artımla bu dövrün ən sürətli böyüyən sektorlarından biri olub.
İnformasiya və rabitə sektorunun aktivləri 660 milyon 322,08 min manatdan 668 milyon 643,0 min manata çatıb.
Bu sektor 8 milyon 320,92 min manat (1,3%) böyüyüb.
Ölkə iqtisadiyyatının sütunlarından olan Mədənçıxarma sənayesində aktivlər 2023-cü ildə 15 milyard 114 milyon 729,9 min manat ikən 2024-cü ildə 14 milyard 988 milyon 434,8 min manata düşüb. Bu da illik 126 milyon 295,1 min manat (0,8%) azalmanın baş verməsi deməkdir.
Buna baxmayaraq, Emal sənayesinin aktivlər 3 milyard 760 milyon 225,8 min manatdan 4 milyard 10 milyon 745,4 min manata çatıb. Sektorun aktivləri250 milyon 519,6 min manat (6,7%) artım əldə edib.
Tikinti sektoru 2 milyard 995 milyon 310,59 min manatdan 3 milyard 184 milyon 875,1 min manata yüksəlib. İllik 189 milyon 564,51 min manat (6,33%) artım baş verib.
Ticarət; nəqliyyat vasitələrinin təmiri aktivləri 1 milyard 675 milyon 653,6 min manatdan 2 milyard 30 milyon 526,5 min manata yüksələrək 354 milyon 872,9 min manat (21,2%) əhəmiyyətli artım nümayiş etdirib.
Nəqliyyat və anbar təsərrüfatı 2 milyard 362 milyon 446,4 min manatdan 2 milyard 352 milyon 714,7 min manata düşərək 9 milyon 731,7 min manat (0,4%) cüzi azalma qeydə alınıb.
Maliyyə və sığorta Fəaliyyəti üzrə 178 milyon 700,3 min manatdan 151 milyon 571,3 min manata düşərək 27 milyon 129 min manat (15,18%) azalma baş verib.
