İqtisadiyyat

Azərbaycanda nağd pul - BÜDCƏ XƏRCLƏRİ HESABINA ARTIB

Azərbaycanda nağd pul - BÜDCƏ XƏRCLƏRİ HESABINA ARTIB | FED.az
08:49 16 Dek 2019

Son 3 ayda Azərbaycanda monetar şərait yumşalıb, pul bazası, kredit porteli və manat əmanətləri artır.

FED.az xəbər verir ki, bu barədə Azərbaycan Mərkəzi Bankının (AMB) faiz dərəcəsinin dəyişməsi ilə bağlı açıqlamasında bildirilir.

Eləcə də bax: Azərbaycanın tranzit gəlirlərini artıracaq - RAZILAŞMA

AMB bildirir ki, İdarə Heyətinin ötən iclasından keçən müddətdə monetar şərait yumşalmaqda davam edib. Belə ki, manatla pul bazasının artım tempinin yüksələrək 14%-ə çatıb, bu əsasən vahid xəzinə hesabından da istifadə edilməklə büdcə xərcləmələri ilə bağlıdır.

AMB bildirir ki, monetar şəraitin yumşalmasının depozit faizlərinə azaldıcı təsirlərinə baxmayaraq fiziki şəxslərin manat əmanətlərinin 2019-cu ilin 11 ayında 26.9% artması milli valyutada yığımların cəlbediciliyini göstərir. Fiziki şəxslərin əmanətlərinin dollarlaşması ilin əvvəlindəki 62.5%-dən noyabr ayında 54.1%-ə, o cümlədən, rezident fiziki şəxslər üzrə müvafiq olaraq 54.6%-dən 49.5%-ə enmişdir.

Pul siyasətinin yumşalmasının kredit aktivliyinə də müsbət təsirləri hiss olunmaqdadır. İlin əvvəlindən kredit qoyuluşları (banklar və bank olmayan kredit təşkilatları daxil olmaqla) 16.1% artmışdır. O cümlədən, ev təsərrüfatlarına verilmiş kreditlər 21%, hüquqi şəxslərə kreditlər isə 11.6% artmışdır.

Digər xəbərlər