Banner

İqtisadiyyat

Azərbaycanda ət satışı - KƏSKİN AZALIB

Azərbaycanda ət satışı - KƏSKİN AZALIB | FED.az
10:40 23 İyul 2020

Azərbaycanda koronavirus pandemiyası nəticəsində ət tədarük edən fermerlərin işi zəifləyib.

FED.az xəbər verir ki, bu barədə  Ət və Ət məhsulları Məmulatları İstehsalçıları Assosiasiyasının sədr müavini Vüqar Xanbəyli deyib.

Eləcə də bax: Azərbaycanda adambaşına 168 manatlıq - Ərzaq, İçki və Siqaret Satılıb

Onun sözlərinə görə, pandemiya bu sahədə də zəifləməyə səbəb olub: "Bilirsiniz ki, hazırda restoran, kafelər fəaliyyətini dayandırıb. Ona görə də ət məhsullarına tələbat azalıb. Ət məmulatları da əsasən həmin obyektlərə paylanılırdı. Pandemiya ilə əlaqədar həmin obyektlərə satış olmaması bu sahəni zəiflədib. Demək olar ki, ət və ət məmulatlarının satışı 25-30 faiz azalıb".

Sədr müavini bildirib ki, bununla bağlı ət məmulatları istehsalçıları ilə müzakirələr aparılır, sahibkarların pandemiyadan daha az zərərlə çıxması üçün çıxış yolları axtarılır: "Bununla bağlı onlayn müzakirələr aparmışıq və bu proses davam edir. Hazırda ət emalı müəssisələri əsasən super marketlərlərlə işləyirlər, istehsal etdikləri məhsulları həmin ticarət şəbəkələrinə daşıyırlar. Hər ay bir dəfə bununla bağlı müzakirələr aparırıq". (Trend)

Digər xəbərlər

Banner