Azərbaycan sularında zəngin balıq müxtəlifliyi ölkənin bir çox ərazisində balıqçılıq sənayesinin əsasını təşkil edir. Bununla belə  Azərbaycan xaricdən müxtəlif ölkələrdən kürü idxal edir.

Qoşqar Təhməzli: "Azərbaycanın kürü məhsullarının Avropa İttifaqı ölkələrinə ixracı imkanı yaranıb"

FED.az xəbər verir ki, 2023-cü ilin yanvar-oktyabr aylarında xaricdən Azərbaycana ümumi dəyəri 1 milyon 587 min dollar olan 5,45 ton həcmində nərə balığı kürüsü gətirilib.

2022-ci ilin eyni dövrü ilə müqayisədə ölkəyə gətirilən kürünün həhəcmi və ona sərf edilən məbləği artıb. Belə ki, 2022-ci ildə xaricdən Azərbaycana ümumi dəyəri 1 milyon 208 min dollar olan 3,9 ton həcmində kürü gətirilmişdi.

2023-cü ildə ölkəyə idxal olunan kürünün 1 tonunun idxal qiyməti 291,2 min dollar və ya 495 min manat, yəni 1 kiloqram kürünün qiyməti isə 495 manat təşkil edib.

2022-ci ildə isə ölkəyə idxal edilən kürünün 1 tonunun qiyməti 309,7 min dollar, yəni 526 min manat, yəni 1 kiloqram kürünün qiyməti 526 manat təşkil edib.

Amma Azərbaycan xaricdən təkcə kürü deyil, onun əvəzedicilərini də alır. 2023-cü il ərzində xaricdən ümumi dəyəri 473 830 dollar olan 35,7 ton balıq kürüsü əvəzedicisi idxal edilib. İdxal olunan kürü əvəzedicisinin 1 tonunun qiyməti 13,3 min dollar, yəni 22 560 manat təşkil edir. Başqa sözlə xaricdən gətirilən kürü əvəzedicisinin 1 kiloqramının idxal qiyməti 22,6 maat təşkil edir.

Maraqlıdır ki, son bir ildə ölkəyə idxal edilən kürü əvəzedicisinin qiyməti azalıb. Belə ki, 2022-ci ilin yanvar-oktyabr aylarında xaricdən Azərbaycana mümumi dəyəri 480 min dollar olan 28,13 ton kürü əvəzedicisi gətirilmiş, 1 kiloqram kürünün idxal qiyməti 29 manat təşkil etmişdi.

Daha detallı cədvəldə:

Bəs bu kürü və kürü əvəzediciləri hansı ölkələrdən idxal olunur?

FED.az xəbər verir ki, Azərbaycan nərə balığı kürüsünü əsasən Çindən alır, ölkəyə gətirilən bütün nərə balığı kürüsünün 96%-i bu ölkənin payına düşür. 2022-ci ildə Çindən idxal olunan nərə balıqlarının kürüsünün həcmi 3,87 ton təşkil edirdisə, 2023-cü ildə bu göstərici 1,37 ton artaraq 5,24 tona çatıb.

Kürü əvəzedicilərinin idxalında isə əsas yeri Belarus və Rusiya tutur.

Balıq kürüsünün əvəzedicilərinin idxal olunduğu ölkələrə gəlincə , ən çox kürü əvəzediciləri Belarusdan idxal edilib. 2022-ci ildə Belarusdan 19,84 ton balıq kürüsü əvəzedici idxal edilib.

Ölkələr üzrə ixracın dəyəri haqqında daha detallı məlumat aşağıda təqdim etdiyimiz cədvəldə: