2022-ci ilin yanvar-oktyabr ayları ərzində ixrac edilən qeyri-neft sektoruna aid malların siyahısında karbamid (181,8 milyon ABŞ dolları) birinci olub. Bu siyahıda pambıq mahlıcı (151,9 milyon ABŞ dolları) ikinci, qızıl (143 milyon ABŞ dolları) isə üçüncü yerdə qərarlaşıb.
FED.az xəbər verir ki, bu barədə İqtisadi İslahatların Təhlili və Kommunikasiyaları Mərkəzinin açıqladığı İxrac İcmalında bildirilir.
Hesabata görə, yanvar-oktyabr aylarında ölkədən ixracın həcminə görə, sonrakı yerləri tomat (pomidor) 137,1 milyon dollar, metanol (metil spirti) 112,9 milyon dollar, ilkin formalı polipropilen 81,3 milyon dollar, meşə fındığı 80,3 milyon dollar, xüsusi kütləsi 0,94-dən az olan ilkin formalı polietilen 76,9 milyon dollar, polimerləşmədə ilkin formalı maddələr 66,2 milyon dollar təşkil edib.
