Yanvarın 14-nə olan məlumata görə, Azərbaycan Rusiyaya 2,1 milyon ədəd yumurta ixrac edib.
"Rusiyaya ixrac Azərbaycanda yumurtanı bahalaşdıracaq" iddialarına - CAVAB VERİLDİ
FED.az xəbər verir ki, bu barədə “Rosselxoznadzor”un “Telegram” kanalında məlumat verilib.
“Yanvarın 13-ü və 14-də Yaraq-Qazmalar keçid məntəqəsi vasitəsilə Azərbaycandan Rusiyaya 918 min ədəd ərzaqlıq yumurtanın növbəti partiyası gətirilib”, - deyə məlumatda bildirilir.
Yüklər müvəqqəti saxlama anbarına daxil olduqdan sonra idxal olunan məhsulların keyfiyyətini və təhlükəsizliyini təmin etmək üçün nümunələr götürülüb.
Azərbaycan Rusiyaya yumurta ixracına 2023-cü il dekabrın 19-dan başlayıb. (İnterfaks-Azərbaycan)
