Ukraynanın şəkər istehsalçıları 2016-cı ilin sentyabr ayında 39,9 min ton şəkər ixrac edib. Bu, son 5 ildə rekord aylıq göstərici hesab edilir.
Ukrayna şəkərini ən çox Şri-Lanka (11,52 min ton), Gürcüstan (6,43 min ton) və Azərbaycan (4,62 min ton) alıb. Daha 4,24 min tonunu Myanma, 2,28 min tonunu isə Tacikistan idxal edib.
"Ukrtsukor" Assosiasiyasının proqnozlarına görə, yerli istehsalçılar təqvim ilinin sonuna qədər 250 min ton şəkər ixrac edəcək.
Assosiasiya Aqrar Siyasət və Ərzaq Nazirliyinə Avropa İttifaqına şəkər tədarükü üçün kvotasının 15 dəfə (300 min tonadək) artırılması təklifi ilə müraciət edib.
Report©
