Banner

İqtisadiyyat

Azərbaycan 1ci rübdə Rusiyaya 17,5 milyon dollarlıq xurma ixrac edib

Azərbaycan 1ci rübdə Rusiyaya 17,5 milyon dollarlıq xurma ixrac edib | FED.az
15:42 25 May 2019

2019-cu ilin I rübündə Azərbaycan  18 mln. 113,01 min dollar dəyərində təzə xurma ixrac edib. Bu barədə  hökumətdən məlumat verilib.

 

“Yanvar-mart aylarında Azərbaycan 18 mln. 113,01 min dollar dəyərində 23 min 833 ton xurma ixrac edib. 2018-ci ilin müvafiq dövrü ilə müqayisədə xurma ixracı miqdar ifadəsində 1% artıb, dəyər ifadəsində 5,5% azalıb”, - deyə məlumatda bildirilir.

 

Bu məhsulun əsas ixrac həcmi Rusiyanın payına düşüb. Belə ki, cari ilin I rübündə Rusiyaya  17 mln. 497,31 min dollar dəyərində (azalma 6%) 22 min 442 ton (azalma 0,1%) təzə xurma ixrac olunub. Ümumilikdə, 2019-cu ilin yanvar-mart ayları ərzində Azərbaycandan təzə xurma ixracının 94,1%-i RF-nin payına düşüb.

 

2018-ci ildə Azərbaycan 114 mln. 538,97 min dollar məbləğində 150 min 912 ton təzə xurma ixrac edib. Bu məhsulun əsas ixrac həcmi Rusiyanın payına düşüb. Belə ki, ötən il Rusiyaya  105 mln. 168,89 min dollar dəyərində 127 min 547 ton xurma ixrac edilib.

Digər xəbərlər

Banner