Avropa İttifaqı (Aİ) ilk dəfə olaraq Ukraynaya hücumu fonunda Rusiyaya dəstək verdiyi iddia edilən Çin şirkətlərinə qarşı sanksiyalar tətbiq etməyə hazırlaşır.
Çin ABŞ-ı geridə qoyaraq - Dünyanın ən böyük kreditoru olub
FED.az xəbər verir ki, bu barədə Financial Times xəbər verir.
Brüssel Ukraynada münaqişə başlayandan bəri ilk dəfə olaraq Rusiyaya hərbi dəstək verən Çin şirkətlərinə sanksiya tətbiq etməyi təklif edib.
Qəzetin əldə etdiyi məlumata görə, söhbət Rusiya Federasiyasına avadanlıq tədarük etməkdə ittiham olunan 7 Çin şirkətinə qarşı mümkün sanksiyalardan gedir. Onların arasında,3HC Semiconductors, King-Pai Technology, Sinno Electronics, Sigma Technology şirkətlərinin adları var.
Eyni zamanda, qəzetin yazdığına görə, Aİ bəzi İran şirkətlərinə guya Rusiya Federasiyasına yardım etdiyinə görə sanksiyalar tətbiq etməyi təklif edib.
Avropa Komissiyası iddialara şərh verməkdən imtina edib.
Bundan əvvəl KİV-lər Avropanın yaxın günlərdə Rusiyaya qarşı yeni sanksiyalar paketi təklif edə biləcəyini, Aİ ölkələrinin səfirlərinin gələn çərşənbə günü bunu müzakirə etmək niyyətində olduğunu yazıb.
Avropa İttifaqı artıq Rusiyaya qarşı on sanksiya paketi təqdim edib. Rusiya Federasiyası dəfələrlə bəyan edib ki, ölkə Qərbin bir neçə il əvvəl Rusiyaya qarşı tətbiq etməyə başladığı və artmaqda davam edən sanksiya təzyiqinin öhdəsindən gələcək. Moskva qeyd edib ki, Qərbin Rusiya Federasiyasına qarşı sanksiyaların uğursuzluğunu etiraf etməyə cəsarəti çatmır. Qərb ölkələrinin özündə də anti-Rusiya sanksiyalarının səmərəsiz olması ilə bağlı fikirlər dəfələrlə eşidilib. Rusiya prezidenti Vladimir Putin daha əvvəl bəyan etmişdi ki, Rusiyanı zəiflətmək siyasəti Qərb üçün uzunmüddətli strategiyadır və sanksiyalar bütün qlobal iqtisadiyyata ciddi zərbə vurub. Onun sözlərinə görə, Qərbin əsas məqsədi milyonlarla insanın həyatını pisləşdirməkdir. (Marja)
