İqtisadiyyat

Argentinada böhranla mübarizə - DEPUTATLARIN MAAŞI DONDURULDU

Argentinada böhranla mübarizə - DEPUTATLARIN MAAŞI DONDURULDU | FED.az
09:14 28 Dek 2019

Argentina Parlamentinin aşağı və yuxarı palatasının sədrləri cümə günü ölkədə iqtisadi böhrana görə deputatların maaşlarının yarım il müddətinə dondurulması haqqında qərar imzalayıblar.

FED.az xəbər verir ki, bu barədə Deputatlar palatasının (aşağı palatanın) spikeri Serhio Maas bildirib.

Eləcə də bax: Daha bir ölkə bankrotda – ADAMBAŞINA AYDA 100 DOLLAR ALMAQ OLAR

“Fövqəladə vəziyyət (iqtisadi sahədə - red.) bütün sektorlardan fəaliyyət tələb edir. Buna görə də biz Deputatlar Palatasının və Senatın əməkdaşlarının və qanunvericilərin maaşlarını və ezamiyyət pullarını 180 gün müddətinə dondurmağa qərar verdik”, - deyə Maas özünün “Twitter” səhifəsində yazıb və məlumatı təsdiqləmək üçün imzalanmış qərarın şəklini əlavə edib. 

Argentina artıq bir neçə ildir ki, iqtisadiyyatın artım templərini bərpa edə bilmir və ən yüksək inflyasiyalı ölkələr sırasındadır. Ötən həftə parlament iqtisadi sahədə fövqəladə vəziyyət haqqında qanun layihəsini təsdiqləyib. Bu layihə kommunal xidmətlərə görə tariflərin dondurulması, fərdi şəxslər üçün xarici valyutanın alınmasına 30% vergi tətbiq edilməsi, həmçinin ixrac rüsumlarının artırılması da daxil olmaqla kompleks tədbirlərin görülməsini nəzərdə tutur.

Oxu

Digər xəbərlər

Banner