Azəri-Çıraq-Günəşli (AÇG) yataqlar blokunun balans ehtiyatı 16 mlrd. barrel (2,2 mlrd. ton) həcmində dəyərləndirilir.

Bu barədə SOCAR-ın sərmayələr və marketinq üzrə vitse-prezidenti Elşad Nəsirov "İki sahil" qəzetinin xüsusi buraxılışında yer alan məqaləsində deyilir.

Onun sözlərinə görə, 1997-ci ildən 2017-ci ilin avqust ayının sonlarınadək AÇG-dən hasil edilmiş neftin ümumi miqdarı 3,218 mlrd. barrel və ya 435 mln. ton olub. "Yatağın gələcək uzunmüddətli istismar dövrü ərzində əlavə olaraq 4,7 mlrd. barrel və ya 635 mln. ton neftin çıxarılması planlaşdırılır. Saziş dövrünün sonunadək cəmi sərmayə qoyuluşunun hazırkı proqnoza əsasən 42,7 mlrd. dollar və əməliyyat xərclərinin 14,4 mlrd. dollar olması planlaşdırılır", - deyə vitse-prezident qeyd edib.