2019-cu ildə şəhid ailələrinə və Qarabağ müharibəsi əlillərinə ən azı 800 mənzil veriləcəkdir.
FED.az xəbər verir ki, bunu Prezident İlham Əliyev bildirib.
"Şəhid ailələri, Qarabağ müharibəsi əlilləri üçün də son illərdə minlərlə ev və mənzil tikilib, təhvil verilmişdir. Təkcə bu il 626 şəhid ailəsinə, Qarabağ müharibəsi əlillərinə dövlət tərəfindən mənzillər verilib və gələn il ən azı 800 mənzil veriləcəkdir. Bu kateqoriyadan olan insanlar, eyni zamanda, dövlət tərəfindən minik avtomobilləri ilə təmin olunurlar. Onlara minlərlə avtomaşın verilmişdir",- İ. Əliyev deyib.
