Fövqəladə Hallar Nazirliyi (FHN) tikintidə qanunsuzluqlara da nəzarət edir.
Eləcə də bax: Kəmaləddin Heydərov mülk sahiblərinə - MÜRACİƏT EDİB
FED.az biznes və maliyyə xəbərləri portalı Apa-ya istinadən xəbər verir ki, bu barədə jurnalistlərə açıqlamasında fövqəladə hallar naziri, general-polkovnik Kəmaləddin Heydərov bildirib.
Nazirin sözlərinə görə, qanunsuz tikililərə rast gəlinir, bunun isə obyektiv və subyektiv səbəbləri var. Kəmaləddin Heydərov neçə illərdir bu cür tikililərin olduğunu xatırladıb və əlavə edib ki, onları müəyyən etmək, yeni sənədlər təqdim etmək müəyyən vaxt aparır.
O, hazırda FHN-in Tikintidə Təhlükəsizliyə Nəzarət Dövlət Agentliyi və Dövlət Şəhərsalma və Arxitektura Komitəsi tərəfindən qanunsuz tikililərə qarşı birgə işlərin aparıldığını diqqətə çatdırıb.
Kəmaləddin Heydərov qanunsuz tikililərə qarşı tədbirlərin müvəffəqiyyətlə davam etdirildiyini də vurğulayıb.
