Banner

İnşaat və əmlak

İpoteka Fondundan açıqlama - "SİSTEMDƏ PROBLEM YARANIB"

İpoteka Fondundan açıqlama  - "SİSTEMDƏ PROBLEM YARANIB" | FED.az
12:13 22 Yan 2020

İpoteka və Kredit Zəmanət Fondu kirayə mənzillərin satışı ilə bağlı məlumat yayıb.

FED.az xəbər verir ki, Fond sistemdə problem yarandığını və onun aradan qaldırılması üçün işlərin aparıldığını bildirir. 

Açıqlamada deyilir: 

"Yaşayış sahələrini satmaq öhdəliyi ilə kirayəyə vermə mexanizmi üzrə 22 yanvar 2020-ci il tarixində başlanmış elektron müraciətlərin qəbulu prosesində “Elektron hökumət” portalına istifadəçi daxilolmalarının və aparılan əməliyyatların sayının kütləvi xarakter daşıması və digər texniki səbəblərdən portal artıq yüklənməyə məruz qalmışdır. Nəticədə “Elektron ipoteka və kredit zəmanət sistemi” (Elektron sistem) üzrə müraciətlərin qəbulunda problemlər yaranmışdır.

Hazırda Fond aidiyyətı təşkilatlarla birlikdə Elektron sistemin dayanıqlı, etibarlı və təhlükəsiz fəaliyyətinin bərpası və sistemin hər bir istifadəçisinə bərabər şəraitin təmin olunması üçün bütün zəruri tədbirləri həyata keçirir.

Bildirmək istərdik ki, qeyd olunan texniki problemlər aradan qaldırıldıqdan və bu halların təkrarlanmaması üçün zəruri tədbirlər həyata keçirildikdən sonra vətəndaşlara Fond tərəfindən əlavə məlumat veriləcəkdir".

Digər xəbərlər

Banner