Banner

İnşaat və əmlak

“Holcim Azərbaycan” da valyutaya görə - CƏRİMƏLƏNDİ

“Holcim Azərbaycan” da valyutaya görə - CƏRİMƏLƏNDİ | FED.az
17:34 21 Yan 2020

Azərbaycan Maliyyə Bazarlarına Nəzarət Palatası “Holcim Azərbaycan” ASC barəsində inzibati xəta haqqında protokol tərtib edib.

FED.az Report-a istinadən xəbər verir ki, palata tərtib etdiyi protokolu baxılması üçün Qaradağ Rayon Məhkəməsinə göndərib.

Eləcə də bax:Azərbaycanda özünə - YENİ PARTNYORLAR AXTARIR

Məhkəmə şirkəti İnzibati Xətalar Məcəlləsinin 430.4-cü (avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir) maddəsi ilə təqsirli bilərək 2004 ABŞ dolları məbləğində cərimələnməsi haqqında qərar çıxarıb.

Qərardan narazı qalan şirkət apellyasiya şikayəti verib. Şikayət Bakı Apellyasiya Məhkəməsində araşdırılır.

Qeyd edək ki, 2012-ci ilin aprel ayında “Qaradağ Sement” ASC re-brendinq olaraq "Holcim (Azərbaycan)" ASC olub və dünyanın aparıcı sement təchizatçılarından olan LafargeHolcim Qrupun bir hissəsidir. 

Digər xəbərlər

Banner