İnşaat və əmlak

Güzəştli mənzillərin satış qiyməti açıqlandı – YASAMALDAN XEYLİ UCUZDUR

Güzəştli mənzillərin satış qiyməti açıqlandı – YASAMALDAN XEYLİ UCUZDUR | FED.az
13:25 29 May 2020

Xəbər verildiyi kimi Mənzil İnşaatı Dövlət Agentliyi Hövsan qəsəbəsindəki yaşayış kompleksində güzəştli mənzillərin satışını elan edpib.

FED.az-ın məlumatına görə, burada mənzillərin qiyməti əvvəlki  - Yasamaldakı kompleksdəki qiymətlərdən daha aşağı olacaq.

Təcili: Güzəştli mənzillərin satışı başladı – ELAN – QİYMƏTLƏR, SİYAHI

Belə ki, Hövsanda 1 otaqlı mənzillərin qiyməti 32 130 manatdan, 2 otaqlılar 42 415 manatdan, 3 otaqlılar 57 120 manatan başlayır.

Mənzili ipoteka krediti ilə deyil, nağd şəkildə alanlara 10% güzəşt ediləcək və qiymətlər 1 otaqlılar üçün 28 917 manatdan, 2 otaqlılar üçün 38 174 manatdan, 3 otaqlılar üçün 51 408 manatan başlayır.

Mənzillərin sahəsi isə 1 otaqlılarda 38-39 kvadrametr, 2 otaqlılarda 50-63 kvadratmetr, 3 otaqlılar 67-73 kvadratmetr arasında dəyişir. Qeyd edək ki, bu mənzillərin daxili perimetrlə ölçülən sahəsidir.

Bütün bunları nəzərə alanda Hövsandakı kompleksdə mənzillərin hər kvadratmetri alıcılara 850 manata başa gələcək. Bu – Yasamaldakı qiymətdən 100 manat aşağıdır (orada 1 kvadratın qiyməti 950 manat olmuşdu).

Mənzilləri öz vəsaiti ilə (yəni kreditsiz) almaq istəyənlərə, 10% güzəşt ediləcək. Bunu nəzərə aldıqda belə vətəndaşlar üçün mənzillərin kvadratmetri 765 manata başa gələcək.

Digər tərəfdən, elanda da qeyd edildiyi kimi, yuxarıdakı qiymətlər mənzillərin sahəsinin daxili perimetrlə ölçülən hissəsinə aiddir. 

Xarici perimetrlə, yəni divarları da nəzərə almaqla ölçüldükdə mənziləriqn sahəsi 1 otaqlılarda 48-50 kvadratmetr, 2 otaqlılarda 61,5-78,6 kvadratmetr, 3 otaqlılarda isə 84,4-88,2 kvadratmetr arasında dəyişir.

Qeyd edək ki, Bakıda tikinti şirkətlərinin əksəriyyəti mənzillərin satışı zamanı sahəni məhz belə hesablayır.

Güzəştli mənzillərin satış qiyməti belə – yəni xarici perimetrlə hesablananda isə qiymətlər daha aşağı olur. Belə ki, 1 otaqlıların qiyməti 669 manatdan, 2 otaqlıların qiyməti 690 manatdan, 3 otaqlıların qiyməti 609 manatdan başlayır.

Mənzilləri öz vəsaiti ilə alanda (yəni 10% endirimi nəzərə alanda) isə xarici perimetri hesablayanda bir kvadratın qiyməti 1 otaqlılarda 602 manata, 2 otaqlılarda 621 manatdan, 3 otaqlılarda isə 548 manatdan başlayır.

Digər xəbərlər