Mətin Balasən oğlu Eynullayev İqtisadiyyat Nazirliyi yanında Əmlak Məsələləri Dövlət Xidmətinin rəisi təyin edilib.
Eləcə də bax: Dövlət Vergi Xidmətinə rəis təyin edilib - SƏRƏNCAM
FED.az xəbər verir ki, Prezident İlham Əliyev bununla bağlı sərəncam imzalayıb.
Dövlət başçısının digər sərəncamı ilə Mətin Eynullayev İqtisadiyyat Nazirliyi yanında Əmlak Məsələləri Dövlət Xidmətinin rəis müavini vəzifəsindən azad edilib.
Qeyd edək ki, 1975-ci il təvəllüdlü M. Eynullayev müxtəlif illərdə Azərbaycan İnvestisiya Holdinqinin İdarə Heyətinin sədri, vergilər nazirinin müavini, 3-cü dərəcəli dövlət vergi xidməti müşaviri, təhsil nazirinin müavini, Təhsil Nazirliyinin aparat rəhbəri kimi vəzifələrdə çalışıb. Ötən ilin mayından isə Əmlak Məsələləri üzrə Dövlət Xidmətinin rəisi səlahiyyətlərini icra edib.
