Banner

İnşaat və əmlak

Dubayda əmlak qiymətləri sürətlə düşür

Dubayda əmlak qiymətləri sürətlə düşür | FED.az
16:14 15 Fev 2019

Dünya varlılarının əmlak investisiyaları üçün ən çox üstünlük verdiyi yerlərdən biri olan Dubayda əmlak qiymətləri sürətlə düşür.

FED.az Əmlak məsləhət şirkəti "Knight Frank"ın yaydığı hesabata istinadən xəbər verir ki, Dubay son iki ildə qiymətlərin ən çox düşdüyü əmlak bazarı olub. 2015-ci ildə ən yüksək səviyyəyə qalxan qiymətlər o zamandan bu yana 25 faiz geriləyib.

Hesabata görə, neft qiymətlərinin düşməsi, ətraf ölkələrdə valyutaların dəyər itirməsi və Yaxın Şərqdə baş verən geosiyasi gərginliklər qiymətlərin düşməsinin əsas səbəbləridir.

Tikinti sektoru, Dubay iqtisadiyyatında "açar" rola malik olduğu üçün qiymətlərin süquta keçməsi şəhərin maliyyə sektoruna da çox mənfi təsir edir.

Dubay Avropa, Hindistan, Səudiyyə Ərəbistanı və Pakistan kimi ölkələrin sərvətlərini cəlb etmək üçün daim yeni tikinti layihələri aparmağı bir strategiya kimi müəyyən etmişdi.


Eləcə də bax: İranın daha iki şirkəti ABŞ-ın sanksiyasına məruz qalıb

Şəhər hələ də aktiv olaraq çalışan 1200 kran ilə dünyanın ən böyük tikinti meydanşalarından biridir, ancaq, bu vəziyyət tələbatdan çox olan mənzil və ofis tikintisinə səbəb olaraq qiymətlərin daha da düşməsinə təzyiq göstərir.

"Jones Long LaSalle"in proqnozuna görə, bu il Dubayda 31,000 yeni mənzil tikintisi başa çatacaq, ancaq yetərli sayda alıcı yoxdur.

Qiymətlərdəki tənəzzül meyli böyük layihələrdə çox daha aydın görünür. Dünyanın ən yüksək binası olaraq məşhurlaşan Bürc Xəlifədə tək otaqlı studia mənzil 2014-cü ildə 1 milyon dollara alıcı taparkən, bu gün 550 min dollara satışa çıxarılır.

Dubay sahili ortalarında 300 süni ada yaradılması ilə başlayan "The World" adlı layihədə yalnız bir adanın üzərində tikinti aparılıb. Palma şəklində yaradılan süni adalarlarda da tikinti işləri dayandırılıb.

©Marja

Digər xəbərlər

Banner