2022-ci ilin yanvar-iyun ayları ərzində 168 532 daşınmaz əmlak üzərində mülkiyyət hüququnun qeydiyyatı aparılıb. Bu, ötən ilin eyni dövrü ilə müqayisədə 16.6% çoxdur.
Eləcə də bax: Mayda 30 mindən çox daşınmaz əmlakın mülkiyyət hüququnun - QEYDİYYATI APARILIB
FED.az Əmlak Məsələləri Dövlət Xidmətinə istinadən xəbər verir ki, 6 aylıq göstəricinin 42 955-i (25.5%-i) ilkin, 125 577-si (74.5%-i) isə təkrar qeydiyyatın payına düşüb. Qeyd olunur ki, ötən ilin eyni dövrü ilə müqayisədə cari ilin yanvar-iyun ayları ərzində ilkin qeydiyyat 29.7% artıb.
Mülkiyyət hüquqlarının qeydiyyatı aparılan əmlaklardan 23 057-si fərdi yaşayış və bağ evi, 40 987-si mənzil, 98 866-sı torpaq sahəsi, 1 780-i qeyri-yaşayış binası, 3 417-si qeyri-yaşayış sahəsi, 401-i əmlak kompleksi, 23-ü çoxmərtəbəli yaşayış binası, 1-i isə çoxillik əkmələrdir.
Nazirlikdən verilən məlumata əsasən, cari ilin yanvar-iyun ayları ərzində dövlət qeydiyyatına alınan daşınmaz əmlaklın 25.8%-i Bakı şəhərində, qalanları isə bölgələrdə yerləşir.
