Bakının mərkəzində yeni park salınacaq. FED.az xəbər verir ki, yeni park Nərimanov rayo¬nu ərazisində, Vaqif prospekti, Ceyhun Hacıbəyli, Şəmsi Rəhimov və Nəsib Bəy Yusifbəyli küçələrinin kəsişməsində salınacaq.

Artıq “Bakı Şəhər Əsaslı Tikinti və Təmir” MMC yeni parkın layihə-smeta sənədlərinin hazır¬lanması üçün tender elan edib.

İlkin mərhələ 3 aprel 2023-cü il saat 10.00-dan 2 may 2023-cü il saat 10.00-dək davam edəcək 5 may 2023-cü ildə birinci mərhələnin nəticələri açıqlanacaq¬dır.

İkinci mərhələ üçün təkliflər 8 may 2023-cü il saat 11.00-dan 23 may 2023-cü il saat 11.00-dək qəbul olunacaqdır.

Tender iştirakçılarına təklif edilir ki, öz tender təkliflərini möhürlənib imzalanmış şəkildə ikiqat zərflərdə yazılı surətdə təq¬dim etsinlər. Müqaviləni yerinə yetirmək üçün tender iştirakçıları lazımi maliyyə imkanlarına malik olmalıdır.