23-26 oktyabr tarixlərində Bakı Ekspo Mərkəzində inşaat, layihələndirmə və memarlıq sahəsinin ən mötəbər tədbirlərindən biri – “BakuBuild Azerbaijan 2018” sərgisi keçiriləcək.
Sərginin təşkilatçısı olan İTECA şirkətindən FED.az-a verilən məlumata görə, “BakuBuild Azerbaijan” sərgisi ən tələb olunan və ziyarət edilən tədbirlərdən biridir.
Artıq uzun illərdir ki, sərgi bu sahənin peşəkarlarını öz platformasında bir araya gətirir və burada ən son yeniliklər nümayiş olunur.
“BakuBuild Azerbaijan 2018” sərgisi Azərbaycan Respublikası İqtisadiyyat Nazirliyi, Azərbaycan Respublikasının Mənzil İnşaatı Dövlət Agentliyi, Azərbaycan Respublikası Dövlət Şəhərsalma vəArxitektura Komitəsi, Azərbaycan Memarlar İttifaqı, Azərbaycanda İxracın və İnvestisiyaların Təşviqi Fondu (AZPROMO), Azərbaycan RespublikasıSahibkarlar (İşəgötürənlər) Təşkilatları Milli Konfederasiyası (ASK) və ilk dəfə olaraq Azərbaycan Respublikasının Kiçik və Orta Biznesin İnkişafıAgentliyi tərəfindən dəstəklənir. Sərginin təşkilatçıları qismində “Iteca Caspian” və onun tərəfdaşı Böyük Britaniyanın “ITE Group” şirkəti çıxış edir.
Bakıda tikinti sərgisi başlayır - TARİX
15:22
19 Sen 2018
