İnşaat və əmlak

Bakıda MTK-nın borcuna görə 300 mənzilin - İSTİLİK SİSTEMİ KƏSİLDİ

Bakıda MTK-nın borcuna görə 300 mənzilin - İSTİLİK SİSTEMİ KƏSİLDİ | FED.az
15:38 13 Mart 2020

Nəsimi rayonu, Tbilisi prospektində 10-58 ünvanında 6 binanın, yəni 300 mənzilin istilik sistemini təmin edən qazanxananın bağlanması əhalinin narazılığına səbəb olub. 

FED.az xəbər verir ki, bu barədə hadisə yerində olan “Report”un əməkdaşına məlumat verən sakinlərin sözlərinə görə, "İşıq İnşaat” MTK-ya məxsus binalarda istilik verilişi saat 16 radələrindən etibarən dayandırılıb və hətta qazanxana möhürlənərək bloklanıb.

Məsələ ilə bağlı “Azəriqaz”dan sakinlərə bildirilib ki, "İşıq İnşaat” MTK-nın 36 min manat borcu var. Sakinlər qeyd edir ki, istilik sisteminə görə dövlət rüsumu 15 qəpik olduğu halda sakinlərdən mənzilin hər kvadratına görə 50 qəpikdən pul yığılır ki, bu kommunal pulu da vaxtı vaxtında ödənilir.

Məsələ ilə bağlı əməkdaşımız "İşıq inşaat" MMC-nin və eyni adlı MTK-nın təsisçi və direktoru Şirəliyev Cavanşirlə danışmağa cəhd etdi. Lakin həmin şəxsə edilən çoxsaylı zənglərə baxmayaraq telefonu söndürdü. Daha sonra "İşıq İnşaat” MTK-nın Xəyyam adlı nümayəndəsi ilə əlaqə saxlanıldı. O öz növbəsində bildirdi ki, problemdən xəbərdardı və sakinlərlə ayrı-ayrılıqda görüşülüb problem yoluna qoyulacaq. Onun sözlərinə görə, istilik sisteminin kəsilməsi həm sakinlərin həm də təmsil etdiyi qurumun borcu ucbatından baş verib.

 

 

“Report”un əldə etdiyi məlumata görə, bir neçə ay əvvəl "İşıq inşaat" MMC-nin və eyni adlı MTK-nın təsisçi və direktoru Şirəliyev Cavanşir Qardaş oğlu dələduzluqda təqsirləndirilib. İttihama görə, C.Şirəliyev faktiki rəhbərlik etdiyi MTK-nın Bakı şəhəri Tbilisi prospektində tikdiyi binada eyni mənzilləri bir neçə şəxsə satmaqla ayrı-ayrı vətəndaşlara külli miqdarda ziyan vurulması ilə nəticələnən dələduzluq edib. C.Şirəliyev dələduzluq yolu ilə ayrı-ayrı vətəndaşlardan yüz minlərlə manat mənimsəməkdə ittiham olunur. Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə təqsirləndirilən C.Şirəliyevin barəsində Səbail rayon məhkəməsinin qərarı 4 ay müddətində həbs qətimkan tədbiri seçilib.

 

Digər xəbərlər

Banner