Banner

İnşaat və əmlak

Azərbaycanda tikinti şirkəti hökumətə müraciət etdi - «EVLƏRİ BİZDƏN ALIN»

Azərbaycanda tikinti şirkəti hökumətə müraciət etdi - «EVLƏRİ BİZDƏN ALIN» | FED.az
17:17 20 Fev 2019

Bakıda fəaliyyət göstərən tikinti şirkətlərindən biri - «Yeni Zığ Yaşayış Kompleksi» Azərbaycanın dövlət qurumlarına müraciət edərək dövlət ehtiyacları üçün tələb olunan mənzilləri bu şirkətdən almağı təklif edib. Müraciətini FED.az vasitəsilə Əmək və Əhalinin Sosial Müdafiəsi Nazirliyinə ünvanlayan şirkətdən bildirilir ki, aztəminatlı və imtiyazlı təbəqələr üçün mənzil alışları ilə bağlı nazirliyə sərfəli təklif verə bilərlər.

«Yeni Zığ Yaşayış Kompleksində» 2 və 3 otaqlı mənzillər mövcuddur. 2 otaqlı mənzillərin sahəsi 99-106 kvadratmetr, 3 otaqlı mənzillərin sahəsi isə 110-114 kvadratmetr təşkil edir. Bu mənzilləri Əmək və Əhalinin Sosial Müdafiəsi Nazirliyi şəhid ailələri və Qarabağ veteranları üçün mənzil alışları üçün təklif edirik».

Eləcə də bax: Bakıda «novostroyka»dakı mənzillərə - «KUPÇA» PAYLANDI

Qeyd edək ki, imtiyazlı təbəqələr üçün mənzillər tam təmirli və mətbəx mebeli ilə birlikdə verilir. Şirkətdən bildirilib ki, bu şərtləri qarşılamağa hazırdırlar: «Nazirliyin ilkin razılığı və marağı olarsa bu məsələləri tam detallı müzakirə edib lazımi təklif irəli sürə bilərik».

Xatırladaq ki, bir qədər əvvəl nazirlik imtiyazlı təbəqə üçün alınan evlərin qiymətini də açıqlamışdı. Nazir Sahil Babayevin sözlərinə görə, hədəf qiymət 1 kvadratmetr üçün 800 manat ətrafındadır.  Şirkət bu qiymətə hazır olduğunu bildirir: «Həmin evləri tam təmirli olaraq kvadratı 800 manatdan təmni edə bilərik».

Eləcə də bax: Binaları istismara qəbul etdirməyib pul qazanırlar

Şrkət bildirir ki, bununla bağlı nazirliyin elan etdiyi tenderə qatılmağa da hazırdır: «Kompleksin bütün sənədləri – tikintiyə icazə və ya rəsmiləşmə işləri tam qaydasındadır, lazımi bank qarantiyaları da təqdim edib tenderə qatılmağa hazırıq».

Şirkət hazırda nazirliyə ümumilikdə 100 mənzil təklif edə biləcəyini açıqlayıb. Bunlardan 60-ı 2 otaqlı, 40-ı isə 3 otaqlıdır.

«Yeni Zığ Yaşayış Kompleksi» Zığ qəsəbəsində yerləşir. 15 ədəd 10 mərtəbəli binadan ibarət olacaq. Hər binada 70-80 mənhilin olması nəzərdə tutulur. Kompleksin dövrd binası tam hazırdır və lazımi kommunal xidmətlərlə təmin edilib. Artıq həmin binalarda yaşayış da var. Kompleksdən dənizə və ətraf ərazilərə gözəl mənzərə açılır.

Kompleksin yaxınlığında bütün zəruri infrastruktur və sosial obyektkər – məktəb, ticarət mərkəzləri, xəstəxana, təcili yardım və bağça var. Gələcəkdə kompleksin binalarının aşağı mərtəbələrində yeni bağçalar da yaradılacaq. Kompleksin qarşısından iki istiqamətə «Neftçilər» və «Həzi Aslanov» metro stansiyalarına avtobus marşrutları işləyir. Kompleksdən şəhərin mərkəzinə cəmi 10 dəqiqəyə çatmaq mümkündür.

Digər xəbərlər

Banner