Azərbaycanda BOKT-un əmlakları hərraca çıxarılır – OBYEKTLƏR, QİYMƏTLƏR, 5% BEH

İqtisadiyyat Nazirliyi yanında Əmlak Məsələləri Dövlət Xidməti tərəfindən dekabrın 25-də təşkil olunacaq hərraca 4 əməlak çıxarılacaq.

FED.az xəbər verir ki, hərraca "Aqrarkredit" QSC BOKT-un balansında olan əmlaklar çıxarılır.  Bunlar sahəsi 300-616 kvadratmetr arasında, qiyməti isə 320-740 min manat arasında dəyişən əmlaklardır. 

Hərracda iştirak etmək istəyənlər Xidmətin rəsmi saytından (emlak.gov.az) və ya Özəlləşdirmə portalından (privatization.az) hərraca çıxarılan dövlət əmlakı üzrə seçim edə bilər. Elektron Xidmətlər Portalında (e-emlak.gov.az) qeydiyyatdan keçməklə, dövlət əmlakının ilkin hərrac qiymətinin 5 faizi məbləğində behi ödəyərək iştirakçı statusu almaq olar.

Hərrac Əmlak Xidmətləri Məkanında (Bakı şəhəri, Nizami rayonu, Xəlil Rza Ulutürk küçəsi, 20 ünvanında) keçiriləcəkdir. Məlumatın dərc olunduğu gündən hərracda iştirak etmək istəyən şəxslərə balanssaxlayıcı təşkilat tərəfindən satışa çıxarılan əmlak ilə qabaqcadan tanış olmaq imkanı yaradılır (əmlaka baxış hər həftənin cümə günü saat 14:00-17:00). Əlaqəli şəxs: Seyidov Şahin (050-235-99-90).

Hərraclarda iştirak etmək istəyən şəxslər müvafiq sənədləri hərracın başlanmasına ən geci 3 bank günü qalanadək Əmlak Məsələləri Dövlət Xidmətinin Əmlak Xidmətləri Məkanına təqdim etməlidirlər.

25 dekabr 2023-cü il tarixində saat 11:00-da hərraca çıxarılan "Aqrarkredit" QSC BOKT-un balansında olan əmlakların siyahısı: