"Təmiz Şəhər" ASC 2018-ci ilin ortalarına Böyükşor gölünün bərpasının ikinci mərhələsi çərçivəsində layihə işlərinə başlamağı planlaşdırır.
FED.az xəbər verir ki, bu barədə ASC-nin İdarə heyətinin sədri Etibar Abbasov deyib.
O qeyd edib ki, layihənin birinci mərhələsi çərçivəsində artıq 300 hektar ərazi təmizlənib. 15 hektar ərazidə park və bulvar salınıb.
Eləcə də bax: “Bunlar gecə tikilən qanunsuz evlərdir”
E.Abbasov əlavə edib ki, ikinci mərhələdə 800 ha ərazi təmizlənəcək: "Bundan 400 hektar sahə qurudulacaq. Belə olan halda, gölün ümumi sahəsi 700 hektar təşkil edəcək".
İdarə heyəti sədrinin sözlərinə görə, ASC-nin planlarında ümumilikdə Abşeron yarımadasındakı 9 gölün bərpası da var:
"Bundan başqa, cari ilin payızında Zığ gölünün 100 hektar sahəsinin bərpası üzrə layihə işləri başa çatdırılacaq".
