İnşaat və əmlak

Qeyri-qanuni tikililərlə bağlı Abşeron İH-dən - AÇIQLAMA

Qeyri-qanuni tikililərlə bağlı Abşeron İH-dən - AÇIQLAMA | FED.az
12:53 20 İyul 2020

Abşeron  rayonunun Qobu və Hökməli qəsəbələrində yüksək  gərginlikli  elektrik  xətlərinin  mühafizə  zolağında  qanunsuz  tikinti  işləri  aparılması  ilə əlaqədar  informasiyalar yayılıb.

Eləcə də bax: Qadın icra başçısı da orduya könüllü yazıldı - FOTOLAR

FED.az xəbər verir ki, yayılmış  informasiyalarla  əlaqədar  Abşeron Rayon  İcra Hakimiyyətinin mətbaut xidmətinin rəhbəri Seymur Qasımov bildirib ki, qeyd  olunan  hallarla  bağlı dəfələrlə özbaşına, qeyri-qanuni  tikinti  işləri  aparan  şəxslərə  xəbərdarlıq  edilib, aidiyyatı  qurumlar   qarşısında  məsələ  qaldırılıb.

“Rayon  İcra  Hakimiyyəti Prezident İlham Əliyevin   2012-ci il  6  iyun  tarixli  648  nömrəli  Fərmanı  ilə   təsdiq  edilmiş   “Yerli  icra  hakimiyyətləri  haqqında   Əsasnamə”nin   3.11.5-ci  maddəsinin,   Şəhərsalma  və Tikinti Məcəlləsinin 16-cı  fəslinin,   “Azərbaycan  Respublikasının  Şəhərsalma  və  Tikinti  Məcəlləsinin  təsdiq  edilməsi,  qüvvəyə  minməsi  və  bununla  bağlı   hüquqi    tənzimləmə   haqqında”  Azərbaycan Respublikasının 2012-ci il 29 iyun   tarixli   392-IVQ   nömrəli  Qanununun    tətbiqi    barədə  Azərbaycan  Prezidentinin   4   sentyabr   2012-ci  il,  695  nömrəli  Fərmanının,     Prezidentin 2014-cü il  24  noyabr  tarixli  375 nömrəli   Fərmanı  ilə  təsdiq  edilmiş   “Dövlət   şəhərsalma   nəzarətinin   həyata  keçirilməsi    Qaydaları”nın  4.1,  4.2  və  4.3-cü  maddələrinin  tələblərinə  müvafiq  olaraq    həmin   özbaşına    tikintilərin   qarşısının  alınması   məqsədilə   müvafiq  tədbirlərin  görülməsi  üçün  aidiyyatı  dövlət   qurumları  və   hüquq   mühafizə  orqanları  qarşısında  məsələ  qaldırmış,  yazılı  müraciətlər  ünvanlayıb.

Əlavə  olaraq  bildiririk  ki,  sözügedən  ərazilərdə  aparılmış  qanunsuz  tikililərin  qarşısının  alınması  və  sökülməsi  tələbi  ilə  məhkəmə  orqanları  qarşısında  iddia  tələblərinin  qaldırılması  qanunvericiliyə  əsasən  həmin  tikililərin  inşa  olunduğu  torpaq  sahəsinin  mülkiyyətçisi  kimi   “Azərenerji”  ASC-nin  aidiyyatı  qurumlarının  səlahiyyətindədir.

Yuxarıda  qeyd  olunan  müvafiq  icra  hakmiyyyəti  və  hüquq  mühafizə  orqanlarına   Abşeron  rayon   İcra  Hakimiyyəti    tərəfindən  edilmiş  müraciətlər   təmin   olunacağı  və  səlahiyyətli  qurum  tərəfindən  belə  bir  iddia  tələbi  qaldırılaraq  məhkəmə  tərəfindən  təmin  olunacağı  təqdirdə  rayon  İcra  Hakimiyyəti  qanuna  müvafiq  qaydada  köməklik  göstərməyə  hazırdır”. (Qafqazinfo)

Digər xəbərlər

Banner