Banner

İnşaat və əmlak

“290 evin tikintisinə 2 milyard yox, 19,9 milyona yaxın vəsait xərclənəcək”

“290 evin tikintisinə 2 milyard yox, 19,9 milyona yaxın vəsait xərclənəcək” | FED.az
16:48 20 İyul 2020

“Nazirlik şəhid ailələri və müharibə əlilləri üçün 290 fərdi evin tikintisi məqsədilə 19,9 milyona yaxın vəsait xərcləyəcək”.

Eləcə də bax: Şəhid ailələrinə və müharibə əlillərinə yeni mənzillər verildi - FOTO

FED.az xəbər verir ki, bunu Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsinin müdiri Fazil Talıbov şəxsi feysbuk hesabında yazıb.

O bildirib ki, saytlardan birində Əmək və Əhalinin Sosial Müdafiəsi Nazirliyinin 290 fərdi evin tikintisi üçün guya 2 milyard manata yaxın pul xərcləyəcəyi barədə yayılan məlumat əsassızdır və həqiqəti əks etdirmir:

“Əslində həmin məbləğ 19 milyon 884 min 431 manatdır.

Nazirlik bu sahədə də büdcə vəsaitlərinin daha qənaətli istifadəsi üçün 274 fərdi ev üçün ayrılmış həmin vəsait hesabına bundan daha çox, 290 fərdi evin tikilməsini təmin edəcək. Bu barədə tender.gov.az saytında da rəsmi məlumat var.

Lakin fərdi evlərin tikintisi işlərinin satın alınması üçün müvafiq saytda dərc edilmiş tender müqaviləsinin maliyyə göstəricisi qeyd edilərkən texniki yanlışlığa yol verilib və tam işarəsini bildirən vergül qeyd edilmədiyindən “19884431,31” rəqəmi “1988443131” kimi göstərilib”.

Digər xəbərlər

Banner