Bakının Nərimanov rayonunda bir neçə ay öncə tikilən qeyri-yaşayış obyektinin söküntüsünə başlanılıb.

Eləcə də də bax: Bakının bu hissəsində "xruşovka"lar sökülür - AÇIQLAMA - FOTO

FED.az biznes və maliyyə xəbərləri portalı Qafqazinfo-ya istinadən xəbər verir ki, rayonun Ağa Nemətulla və Yusif Vəzir Çəmənzəminli küçələrinin kəsişməsində köhnə tikililərin üzərində 3 mərtəbəli bina tikilib. Tikintiyə təxminən 3 ay öncə başlanılıb və binanın üçüncü mərtəbəsi yekunlaşdıqdan sonra rəsmi qurumlar tərəfindən tikintiyə qadağa qoyulub.

Qeyri-yaşayış obyekti hazırda fəaliyyət göstərən köhnə tikililərin ətrafında beton divarlar quraşdırılmaqla tikilib və tikinti zamanı da həmin dükanlar normal qaydada fəaliyyətini davam etdirib.

Lakin üçüncü mərtəbə tikildikdən sonra məlum olub ki, binanın yalnız bir mərtəbə tikilməsinə icazə verilib. Bundan sonra qeyri-yaşayış obyektinin sökülməsinə qərar verilib. Artıq tikilinin söküntüsü davam edir.