Azərbaycan Milli Elmlər Akademiyasının (AMEA) Yüksək Texnologiyalar Parkının (YT Park) baş direktoru vəzifəsinə təyinat olub.
Eləcə də bax: "Coca-Cola"nın 8 ölkə üzrə PR direktoru vəzifəsinə azərbaycanlı - Təyin Edildi
FED.az xəbər verir ki, AMEA-nın prezidenti Ramiz Mehdiyevin sərəncamı ilə YT Parkın baş direktoru vəzifəsinə texnika elmləri doktru, professor Əbülfəz Babayev təyin edilib.
Baş direktoru kollektivə təqdim edən AMEA-nın birinci vitse-prezidenti Dilqəm Tağıyev bildirib ki, uzun müddət sənayenin müxtəlif sahələrində çalışan və geniş təcrübəyə malik olan tanınmış kimyaçı alim Əbülfəz Babayevin YT Parka baş direktor seçilməsi Texnoparkda aparılan işlərin daha da sürətlənməsinə, qurumun fəaliyyətinin səmərəliliyinin artırılmasına imkan verəcək.
Qeyd edək ki, yeni baş direktor hələlik yalnız elmi nəticələri ilə məşhurdur. Əbülfəz Babayev ABŞ Nyu-York Elmlər Akademiyasının həqiqi üzvü, Beynəlxalq Mühəndislər Akademiyasının həqiqi üzvü, eləcə də Azərbaycan Mühəndislər Akademiyasının həqiqi üzvüdür. Alim 329 elmi əsər, 105 elmi ixtira və patent, 10 dərslik, 8 metodik vəsait və 2 monoqrafiyanın müəllifidir.
