“YouTube” canlı yayımlar üçün yeni reklam formatını sınaqdan keçirdiyini açıqlayıb.
FED.az-ın məlumatına görə, canlı videolardakı reklamlar baxış təcrübəsini pozmayacaq şəkildə göstəriləcək.
Hazırda “YouTube”da reklam vaxtı gələndə reklam tam ekranda göstərilir və izləyicinin video ilə əlaqəsi kəsilir. Bununla belə, bu yeni formatda canlı reklamlar şəkil içində şəkil rejimində göstəriləcək. Canlı yayımı kəsmədən reklamlar göstəriləcək
Qeyd edək ki, “YouTube” bildirir ki, yaradıcılar yeni reklam formatını monetizasiya parametrlərindən seçə bilərlər. Həmçinin bu ayarı gələcək bütün canlı yayımlar üçün defolt olaraq təyin etmək mümkün olacaq. Bundan əlavə, yaradıcılar təhlil səhifəsində canlı yayımlardan və canlı yayım təkrarlarından əldə etdikləri reklam gəlirlərinin bölgüsünü görə biləcəklər (Trend).
