Sentyabrın 12-də «Apple» şirkəti özünün illik payız təqdimatında yeni məhsullarını açıqlayıb.
FED.az xəbər verir ki, şirkət çoxdan gözlənilən «iPhone 15» seriyalı smartfonları və bir cüt yeni saat - Apple Watch Series 9 və Apple Watch Ultra 2-ni təqdim edib.
Əsas yeniliklərdən olan «iPhone 15» və «iPhone 15 Plus» yeni 48 MP kamera, eləcə də keçən ilki flaqman iPhone 14 Pro-dan A16 Bionic prosessorunu alıb.
Əsas yeniliklərdən biri olaraq artıq köhnəlmiş «Lightning» əvəzinə insayderlər tərəfindən proqnozlaşdırılan USB-C konnektoru da peyda olub.
Flaqman modellər - 15 Pro və 15 Pro Max daha böyük dəyişikliklərə məruz qalıb. İlk növbədə bu telefonlar titan korpusda buraxılıblar. İkincisi, bu smartfonlarda yeni A17 Pro prosessoru, 15 Pro Max modelində isə beş dəfə optik zumla təkmil telefoto modulu quraşdırılıb.
«Apple Watch Series 9»dda dəyişikliklər kiçikdir. Ən maraqlı yenilik Double Tap jestinə dəstəkdir.
«Apple Watch Ultra 2» də isə çox parlaq ekran və enerjiyə qənaət edən S9 prosessoru yaranıb.
Qiymətlər: iPhone 15 – 799 dollardan, iPhone 15 Plus – 899 dollardan, iPhone 15 Pro – 999 dollardan, iPhone 15 Pro Max – 1199 dollardan, Apple Watch Series 9 – 399 dollardan, Apple Watch Ultra 2 – 799 dollardan başlayır.
