“Yahoo” bir il ərzində “AdTech” bölməsində kütləvi restrukturizasiya həyata keçirəcəyini və işçilərinin 20%-ni işdən çıxaracağını açıqlayıb. “Axios” yazır ki, ümumilikdə 1600 nəfərin işdən çıxarılması nəzərdə tutulur.
Dünyanın texnoloji şirkətləri - 25 mindən çox işçini ixtisar edib
FED.az Banker.az-a istinadən xəbər verir ki, şirkətin baş direktoru Cim Lanzon ixtisarların maliyyə çətinlikləri ilə bağlı olmadığını vurğulayıb. Bu, gəlir gətirməyən reklamların avtomatlaşdırılması şöbəsinə və bütövlükdə şirkətin gəlirliliyinə fayda gətirməli olan strateji bir qərardır.
Şirkət həmçinin nəşriyyatların reklam yerlərinin satışını avtomatlaşdıra biləcəyi SSP platformasını da bağlayacaq və “Gemini”nin yerli kontekstli reklam həllini mərhələli şəkildə ləğv edəcək. Bütün bunlar ona daha perspektivli sahələrə daha çox sərmayə qoymağa imkan verəcək.
