FED.az Banker.az-a istinadən məlumat verir ki, Çinin İT-nəhəngi “Xiaomi” Mi Mix Alpha konseptual smartfonunu təqdim edib. Cihazın ekranı korpusu boyunca “fırlanır”: ekranının sahəsi 180%-dir.
Eləcə də bax: Xiaomi yeni və əlçatan qiymətə malik televizorlarını təqdim edib
Bu barədə The Verge xəbər verir.
Gadgetin arxa paneli müxtəlif məlumatları, eyni zamanda hava proqnozunu və naviqatoru əks etdirəcək.
Yan paneldə enerji indikatoru və şəbəkə siqnalı, həmçinin, sensorlu səs tənzimləyici düymələr yerləşir.
Arxa panelində Samsung-la birgə işlənib hazırlanmış 108 meqapikselli kamera var. Bundan başqa, gadget 20 meqapikselli ultragenişbucaqlı və 12 meqapikselli obyektivlərlə təchiz olunub.
Mi Mix Alpha-nın ön kamerası yoxdur. Amma 12 Gb əməli, 512 Gb daimi yaddaşı var. Həmçinin, 4050 mAh batareyası və 5G dəstəyi də var.
Mi Mix Alpha bu yaxınlarda məhdud seriyanı təqdim edəcək. Qiyməti 19 999 yuan və ya 2800 dollardır.
