Çin istehsalı olan süni intellekt tətbiqi DeepSeek-in qısa müddətdə populyarlaşması ABŞ texnologiya sektorunda narahatlıq yaradıb.
Çinin “DeepSeek” startapına görə “Nvidia” yarım trilyon dollar dəyər itirdi
FED.az xəbər verir ki, ABŞ-ın prezidenti Donald Tramp, DeepSeek-in uğurunu "ABŞ texnologiya şirkətləri üçün xəbərdarlıq siqnalı" kimi qiymətləndirərək, yerli şirkətləri süni intellekt sahəsində daha rəqabətli olmağa çağırıb. O, DeepSeek-in Apple mağazasında birinci yerə yüksəlməsini "Çin tətbiqlərinin ABŞ bazarında sürətli təsirinə yeni bir nümunə" adlandırıb.
DeepSeek, digər məşhur tətbiqlər olan TikTok, RedNote və Lemon8-in populyarlığını izləyərək, süni intellekt sahəsində ABŞ-ın lider şirkətləri ilə rəqabətə girib. Tətbiq, Meta və OpenAI kimi şirkətlərin modelləri ilə müqayisədə aşağı xərclərlə hazırlanıb və yüksək performansı ilə diqqət çəkir. Tramp bu yanaşmanı "süni intellekt üçün müsbət inkişaf" adlandıraraq, az xərclə eyni nəticələrə nail olunmasının vacibliyini vurğulayıb.
