ASUS və ROG CES 2025 sərgisində yeni nəsil şəbəkə həllərini nümayiş etdirdi. Təqdim olunan cihazlar arasında WiFi 7 texnologiyası ilə təchiz olunmuş ROG Rapture GT-BE19000AI routeri diqqət çəkir.
"Samsung" televizorlarına yeni süni intellekt funksiyaları əlavə edəcək
FED.az xəbər verir ki, süni intellekt dəstəyi sayəsində bu router oyunçulara daha sürətli və fasiləsiz bağlantı təmin edir.
ASUS RT-BE58 Go və ASUS 5G-Go routerləri isə səyahət və mobil istifadə üçün nəzərdə tutulub. RT-BE58 Go kompakt dizaynı ilə həm ev, həm də ictimai şəbəkələrdə təhlükəsiz internet təklif edir. ASUS 5G-Go modeli isə 5G dəstəyi və uzun ömürlü batareyası ilə geniş rouminq imkanları yaradır.
ZenWiFi Outdoor seriyası açıq havada yüksək sürətli internet bağlantısını təmin edərək sərt hava şəraitinə uyğun dizayn edilib. ASUS bu yeniliklərlə həm oyunçulara, həm də gündəlik istifadəçilərə daha rahat təcrübə vəd edir.
