Bütün dünyada «Facebook», «Instagram» və «WhatsApp» sosial şəbəkələrinin işində problem yaranıb.
FED.az xəbər verir ki, bu barədə sosial şəbəkələrin fəaliyyətini izləyən «Downdetector» xidməti məlumat verib.
Şəbəkələrin fəaliyyətini dayandırması barədə məlumatlar dünyanın müxtəlif ərazilərindən Avropa, Asiya, Şimali və Cənubi Amerikadan daxil olur.
«Facebook»da və «Instagram»da həm sayt, həm də tətbiq işləmir. «WhatsApp» istifadəçiləri də proqrama daxil ola bilmirlər.
«Bizə məlumdur ki, bəzi istifadəçilər bizim məhsullara və tətbiqlərə daxil olmaqda çtinliklə üzləşiblər. Biz bunu tezliklə həll etmək üçün üzərində işləyirik və narahatlığa görə üzr istəyirik deyə»- Facebook özünün «Twitter» şəbəkəsindəki səhifəsində açıqlama yayıb. Eyni elan «WhatsApp» və «Instagram»ın «Twitter»dəki səhifəərində də yerləşdirilib.
