“Samsung” martın 17-dən etibarən satışa çıxarılacaq büdcəli A52 və A72 smartfonlarını təqdim edib.
FED.az bu barədə xarici KİV-ə istinadən xəbər verir.
A52 modeli üçün tövsiyə olunan qiymət 370 AZN (128 GB) və 450 AZN (256 GB) təşkil edir. A72 smartfonu üçün isə qiymət 495 AZN (128 GB) və 550 AZN (256 GB) kimi təyin edilib.
Smartfonlar qara və mavi rənglərlə yanaşı, lavanda çalalarında da mövcud olacaq. Modellər dörd modullu 64 MP və 32 MP kameralarla təchiz edilib. Qeyd edək ki, bu modellər 4K-video çəkiliş funksiyasını dəstəkləyir.
Galaxy A52 6.5 düym, Galaxy A72 isə 6.7 düym ekrana sahibdir. A52-nin batareya tutumu 4500 mAh, A72-nin isə 5000 mAh təşkil edir. Şirkət bu smartfonların iki günə qədər zaryadka saxlaya biləcəyini iddia edir.
Beşinci nəsil rabitə texnologiyasını (5G) dəstəkləyən smartfonun qiyməti 429 avro təşkil edəcək. Bu model iPhone 12 mini üçün alternativ sayılır. (banker)
