Azərbaycan 2018-ci ilin III rübündə Rusiyadan 112,4 min ədəd mobil rabitə şəbəkəsi üçün telefon cihazı idxal edib.
FED.az xəbər verir ki, Rusiya mətbuatının yazdığına görə, bu barədə Rusiya Fderal Gömrük Xidmətinin üçüncü rüb üçün hazırladığı hesabatda deyilir.
Məlumata görə, bu, 2017-ci ilin eyni dövrü ilə müqayisədə 6,7% çoxdur. Dəyər ifadəsində isə idxal 30,3% artaraq 16,4 mln. ABŞ dolları təşkil edib.
Rüb ərzində xaricdən Rusiyaya 13,5 mln. ədəd mobil telefon idxal edilib. Bu da illik müqayisədə 2,2% azdır. Dəyər ifadəsində mobil telefonların idxalı 18,6% artaraq 1,8 mrd. dollar təşkil edib.
Rusiya hesabat dövründə 799,4 min ədəd mobil telefon ixrac edil ki, bu da illik müqayisədə 2,1% çoxdur. Dəyər ifadəsində isə ixrac 15,9% artaraq 67,2 mln. dollar təşkil edib.
Eləcə də bax: "Dollar 1.97 manata qalxacaq" - S&P-DƏN YENİ PROQNOZ
Rusiyaya mobil telefonlar əsasən Çindən gətirilib. Rüb ərzində Çindən idxal 10,6 mln. ədəd təşkil edib ki, bu da əvvəlki ilin eyni rübü ilə müqayisədə 3,5% azdır. Dəyər ifadəsində isə idxal 18,9% artaraq 1,4 mlrd. dollara çatıb.
Rusiyayanın Vyetnamdan mobil telefon idxalı isə 24,6% azalaraq 1,9 mln. ədəd olub. Dəyər ifadəsində isə idxal 3%azalaraq 303,9 mln. dollar təşkil edib. Bu müddət ərzində Hindistandan Rusiyaya 67,8 mln. dollar dəyərində 643,7min ədəd mobil telefon idxal edilib.
Rusiyadan ixrac edilən mobil telefon cihazlarının ¼-dən çoxu isə Belarusa göndərilib. 2018-ci ilin üçüncü rübünün nəticələrionə görə, Rusiyadan Belarusa 231,6 min dədə mobil telefon ixrac edilib ki, bu da 2017-ci ilin analoji dövrü ilə müqayisədə 14,2% çoxdur. Dəyər ifadəsində isə bu ölkəyə ixrac edilən mobil telefonların qiyməti 45,9% artaraq 25,5 mln. dollar təşkil edib.
Rusiyadan Qırğızıstana ixrac osə 3 dəfədən çox artaraq 114,7 min ədəd olub. Dəyər ifadəsində isə bu rəqəm 1,04mln. dollar təşkil edib.
