Bu il birjaya çıxacağı gözlənilən Çinin iri ağıllı telefon istehsalçısı "Xiaomi", yüksək gəlirlilik tutması vəziyyətində qazancının bir hissəsini müştərilərinə geri verəcəyini açıqlayıb.
Ağıllı telefon bazarının iddialı oyunçularından "Xiaomi", bu gün az rast gəlinən bir vəd verib. Şirkət, ağıllı telefon və ağıllı ev cihazları kimi məhsullarındakı xalis mənfəət marjasını 5% ilə məhdudlaşdıracağını və bunun üzərində əldə etdiyi mənfəəti isə "ağlabatan şəkildə" müştərilərinə geri paylanacağını bildirib.
FED.az xəbər verir ki, ağıllı telefon bazarındakı mənfəətin 87%-ni Apple götürür, Android telefon istehsalçıları isə qalanı aralarında bölüşmək məcburiyyətində qalırlar. LG və Samsung kimi nəhəng şirkətlər, qazanclı bir iş olmayan ağıllı telefon bazarında rəqabətə davamlı qalmaq üçün komponentlər istehsal edən digər departamentlərinin gəlirləri ilə ayaq üstə dururlar. "Xiaomi" isə bu nəhənglərdən fərqli olaraq, aşağı marjalı proqram təminatı məhsulları və xidmətlər sataraq hazırda bazarda özünə mühüm yer tutur.
"Xiaomi"nin müştərilərinə verdiyi və qulağa çılğın gələn söz, şirkətin, "ən yeni texnologiyaları uyğun qiymətli cihazlarda təqdim etmək" strategiyası ilə də üst-üstə düşür. Şirkət "Mi" seriyası telefonlardan və digər məhsullarından böyük qazanclar əldə etmir, amma bu cihazları bir-birinə bağlayan onlayn video, e-ticarət, maliyyə məhsulları və digər rəqəmsal xidmətlərlə gəlir götürür.
Bloomberg-ə görə, Çinin texnologiya nəhənginin bu il 100 milyard dollar civarında bir dəyərlə İPO-su (səhmlərin ilkin kütləvi təklifi) mümkündür.
