Vətən müharibəsi günlərində istər ordumuza, istərsə də hərbçi ailələrinə dəstəyi ilə fərqlənən, mobil telefon, elektronika və məişət texnikası satışı üzrə fəaliyyət göstərən ən böyük mağaza şəbəkələrindən biri “İrşad” azad olunan torpaqlarda vətəndaşlara xidmət göstərəcəyini qürurla elan edir!

Şirkət yaxın günlərdə Qarabağda – Füzuli şəhərində ilk mağazasını açmağa hazırlaşır. Mağazanın açılışı münasibətilə Füzuli sakinləri üçün İrşad-da karyera imkanları da yaranıb. Artıq əməkdaşlıq etmək istəyənlər üçün vakansiyalar elan edilib, seçimlərə başlanılıb. Şirkət nümayəndələri ilə Füzuliyə qayıdan sakinlər arasında görüşlər keçirilib. Seçimlər başa çatdıqdan sonra mağazanın rəsmi açılışı olacaq.

İrşad-la karyerasını qurmaq istəyənlər https://irshad.az/sirket/vakansiyalar səhifəsinə daxil olaraq müraciət edə və yaxud hazır CV formasını [email protected] elektron poçt ünvanına göndərə bilərlər.

Qeyd edək ki, 23 ildir fəaliyyət göstərən İrşad hazırda ölkənin elektronika sahəsi üzrə lider şirkətlərindəndir.

“İrşad” II Qarabağ döyüşləri müddətində bir çox sosial layihələri ilə fərqlənib. Şirkət torpaqlarımız uğrunda döyüşən hərbçilərimizin və səfərbər olan hərbi vəzifəli müştərilərin kredit ödənişlərini dondurub. Zəfər döyüşləri müddətində şəhid olan, yaralanan hərbçilərin kredit borclarını isə tam silib. Həmçinin, Qarabağ uğrunda döyüşlərdə yaralanan hərbçilərimizin və səfərbər olunan hərbi vəzifəlilərin ailələrinə dəstək olmaq məqsədilə 100 ailəyə 30 000 manat həcmində birdəfəlik maddi yardım təqdim edib. Ordumuza dəstək olmaq məqsədi ilə “İrşad Electronics” Azərbaycan Respublikasının Silahlı Qüvvələrə Yardım Fonduna 50 000 manat vəsait köçürüb, cəbhə bölgəsində çətin dağlıq şəraitdə xidmət edən hərbiçilərimizə 20.000 manat dəyərində isti geyim yola salıb. Bununla kifayətlənməyən şirkət yaralı qazilərimizə 100 ədəd mobil telefon bağışlayıb. Həmçinin, Həmrəylik Günü ərəfəsində 100 şəhid övladının təhsilinə dəstək naminə 100 ədəd planşet hədiyyə edib. Müharibə müddətində mülki vətəndaşlara edilən hücum nəticəsində hər iki valideynini itirmiş, Gəncə sakinləri Xədicə və Nilayı isə 18 yaşına qədər himayəsinə götürüb.

Əlavə məlumat üçün: *0171

https://www.facebook.com/irshad0171

https://www.instagram.com/irshad/