İKT

“Optimal Electronics” cərimələnə bilər - XARİCİ ƏMƏLİYYATLARA GÖRƏ

“Optimal Electronics” cərimələnə bilər - XARİCİ ƏMƏLİYYATLARA GÖRƏ | FED.az
11:23 2 Sen 2019

Yasamal Rayon Məhkəməsi “Optimal Electronics” MMC-nin inzibati qaydada 608 ABŞ dolları həcmində cərimələnməsi barədə qərar çıxarıb.

FED.az Banker.az-a istinadən xəbər verir ki,  Optimal Electronis, Maliyyə Bazarlarına Nəzarət Palatasının İnzibati Xətalar Məcəlləsinin (İXM) 430.4-cü maddəsinə əsasən tərtib etdiyi protokola cərimə edilib.

Eləcə də bax: Azərbaycanda “Belarusskiy” şəbəkəsini idarə edən şirkət - CƏRİMƏLƏNİB

Qeyd edək ki, İXM-nin 430.4-cü maddəsi avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə məsuliyyəti nəzərdə tutur.

Bu inzibati xətaya görə, hüquqi şəxslər inzibati xətanın bilavasitə obyekti olmuş valyuta vəsaitinin iyirmi faizindən otuz faizinədək məbləğdə cərimə edilir.

Məhkəmənin qərarına Bakı Apellyasiya Məhkəməsində baxılacaq. 

“Optimal Elektronika” MMC şirkəti 1997-ci ildə yaradılmışdır. Azərbaycanda BOSCH, Vestel, Samsung, LG, Sony, Karcher, JBL, Philips, Simfer, Carrier, Singer, PFAFF, Aldora (mebel), Konfor (mebel) brendlərinin rəsmi distribüteri və Nokia, Xiaomi, DemirDöküm, Casio, Tissot, Swatch kimi tanınmış brendlərin rəsmi tərəfdaşıdır.

Digər xəbərlər