Nokia-nın zamanında ən populyar marka olduğunu demək olar ki, hamı bilir. Marka sektorda dominatlıq edirdi. Ancaq inkişaf edən texnologiya və artan rəqabət markanın geriləməsinə səbəb oldu.
FED.az xəbər verir ki, hazırda bazarda arxa yerləri tutan Nokia, beş kameralı bir telefon təqdim etməyi planlaşdırır. Bəli səhv oxumadınız, beş kameralı Nokia telefonundan bəhs edirik.
Nokia 9 olaraq adlandırılan və xüsusən kamera sayı ilə diqqəti çəkən telefon, ortaya atılan iddialara görə, Nokia 5.1 ilə birlikdə IFA Sərgisində təqdim ediləcək. 6-11 Sentyabr tarixləri arasında keçiriləcək sərgidə, cihaz detallı bir şəkildə istehlakçılara təqdim olunacaq.
Əvvəlcə Nokia 9-un 5.7 düyümlük bir ekranının olacağı ehtimal edilir. Qualcomm-un Snapdragon 845 prosessorundan gücünü alacağı hesab edilən Nokia 9, kamerası ilə digər texnologiya markalarını qısqandıra bilər.
Xüsusilə şirkətin rəqabət dövründə belə bir addım atması Nokia sevənləri xoşbəxt edə bilər.
@marja
