SalamWeb – Malayziyanın Salam Web Technologies MY Sdn şirkəti tərəfindən hazırlanmış və Malayziya və İndoneziyadakı istifadəçilər üçün nəzərdə tutulmuş mobil brauzerin adıdır. Bu barədə Bloomberg 28 yanvar tarixində məlumat verib.
FED.az bildirir ki, İnternetdə məxfiliyin, qərəzsizliyin və sui-istifadənin pozulmasına dair artan narahatlıqlara görə, İslam dəyərlərinə uyğun bir brauzerə yüksək tələbat var.
SalamWeb xüsusi filtrlərdən istifadə edir, hansılar ki veb səhifələrin məzmununu müəyyən edirlər. Belə ki, brauzer qumar və ya pornoqrafik saytlara yaxınlaşdıqda istifadəçiyə “uyğun”, “neytral” və ya “qəbuledilməz” xəbərdarlığını göndərir.
Yeni məhsul Google Chrome brauzerinin əsasını təşkil edən açıq kodlu Chromium proqramına əsaslanır.
Bloomberg-in sözlərinə görə, tərtibatçıların əsas məqsədi dünyanın 1,8 milyard müsəlman əhalisinin 10%-i əhatə etməkdir.
